Inuit pisuinnaat 1000-it missaanniittut Hondurasimit avannamut ingerlaaqatigiileruttorput.

Pisuinnaat Guatemala Mexicolu aqqusaarlugit USA-p tungaanut ingerlaarnissartik pilersaarutigaat.

Qimaasut allat pisuinnaat 2018-imi oktobarimi aamma taamaaliorput. Qimaasut taakku amerlanerpaammata 7000-it missaanniilerput.

AAMMA ATUARUK USA-p Mexicomut killeqarfia matuneqarallartussanngorunarpoq

USA-li Mexicomik Guatemalamillu kingorna taava isumaqatigiissusiorpoq, qimaasut Amerika Qiterlermeersut sapinngisamik unitsinneqarnissaat siunertaalluni.

Mexicop nunamut namminermut ministeriata, Olga Sánchez Corderop, tusagassiortunut pingasunngornermi oqaatigaa, qimaasut Mexico aqqusaaqqusaassanngikkaat.

Qimaasut pineqartut Mexicop USA-mut killeqarfiata nalaanut anngutinnginnissaat pillugu Mexico tuusintilikkaanik sakkutuuliiniarpoq.