Assi: Ugc / Reuters / Ritzau Scanpix

Qimaasunut Libyami inissiisarfik saassunneqarmat 40-t toqutaasut

Qimaasut Libyap illoqarfiisa pingaarnersaanni Tripolimi najugaqarfigisaat ippassaq unnukkut saassunneqarmat inuit 40-t toqutaapput, allallu 80-it aqqunartiterlutik.

Qimaasut inatsisinik unioqqutitsillutik Libyamut isersimasut inissinneqartarfiat saassunneqarpoq. 

Libyami peqqinnissaqarfiup oqaaseqartitaa taama ilisimatitsivoq.

Afrikami nunanit allanit qimaasut napparsimmavinni passunneqartut, atorfilittat assilisimasaasa takutippaat.

Qimaasut toqutaasimanerat, Naalagaaffiit Peqatigiit qimaasunut qullersaqarfiata UNHCR-ip ernummatigaa:

- Sakkutuujunngitsut saassunneqartariaqanngillat, UNHCR allappoq.

Afrikami nunanit allanit qimaasut, nunallu arabiamioqarfiusunit qimaasut Libya aqqutigalugu Europamut ingerlaqqinniartut amerlapput, qimaasulli amerlasuut sinerissamik nakkutilliisunit, EU-mit ikiorneqartunit, tigummigallagaasarput.

Qimaasunut inissiisarfiit, inuttut pisinnaatitaaffiit pillugit suliniaqatigiiffinnit isornartorsiorneqartarput.

Tripoli, Libyami pikitsitsisut naalagaat Khalifa Haftar siuttoralugu qaammatini kingullerni pingasuni saassunneqaqattaarpoq.

/ritzau/Reuters/

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat