Qimaagaluartoq tigusaaqqippoq
Aasianni Pinerluuteqarsimasunut Inissiisarfimmit qimaasoq nalunaaquttap akunneri arlaqanngitsut qaangiummata politiinit tigusarineqarpoq.
Allattoq Louise M. Kleemann
septembarip 14-at 2011 11:32
Politiinit paasissutissat naapertorlugit angutip inuusuttup, Erninnguaq Schultzip, suunersumik atortoqarluni inimi matua ammarsinnaasimavaa matulu illup tunuaniittoq aamma ammarsinnaasimallugu.
innuttaasut ilaannit saaffiginnittoqarneratigut qimaasoq politiinit ullup qeqqata missaani tigusarineqarpoq.
