Qillerivik ikkarlittoq kaanngartilerpaat
Sila atorsaassappat uuliasiortut qilleriviat Kulluk ullumi ikkarlummit kaanngarteriarniarpaat. Ippassaq kalutissartai ikkunneqarput ullumilu Alaskami kangerliumanermi Kodiak Islandip eqqaani isumannaannerusumut kaleriarniarpaat.
Allattoq Peter Troelsen, Noah Mølgaard
Uuliasiortut qilleriviat Seattlemi misissortikkiartorluni kalinneqartilluni ikkarlippoq. Ajunngitsumik kalinneqaraluarpoq aqqutaanili kalutit allunaasarsuit kittorata qillerivissuaq tissukarluni ikkarlippoq.
Avatangiisinik mingutsitserujussuarsinnaanera aarlerinarsigaluarpoq orsussaq diesel 500.000 literi sinnilik qillerivissuarmiimmat. Maannamut paasisat malillugit uuliarluertoqanngilaq iluatsittumillu qillerivik kaanngartinneqassappat avatangiisinik illersuisut inuttaasullu anersaarulussinnaalissapput. Qillerivissuarmik piginnittut tassaapput Royal Dutch Shell.