Qillerilluni ilisimasassarsiortoq dronningimit nersornaaserneqassaaq
Nersornaat Dronning Margrethemit ullumi tunniunneqassaaq, illussaarsuarmi Christiansborgimi.
Dorthe Dahl-Jensenip Ebbe Munckip nersornaasiuttagaanik nersornaaserneqarnissaannik siunnersuuteqartuuvoq kalaaleq professoreq Minik Rosing, aviisi politiken taamatut allaaserisaqarpoq.
Kalaallit Nunaata sermersuani qillerillunilu ilisimasassarsiornermini Dorthe Dahl-Jensenip torrallaasimanera sulilluarneralu pillugu nersornaaserneqarnissaa siunnersuutigineqarpoq.
Qangarsuaq silap pisussaa pillugu ilisimasanik nutaanik ilisimatuussutsikkut misissuinermi paasisaqartoqarpoq, siunissamilu silap pissusaa qanoq ikkumaarneranik paasisanik nutaanik ilisimatuussutsikkut misissuinermi periarfissaqalerluni.
Ebbe Munckip nersornaasiuttagaanut Dronning Margrethe illersuisuuvoq. Nersornaasiinermi aningaasat Ebbe Munckillu assilineqarnera bronzinngorlugu tunniunneqarput.
