Qilammut centimeterinik marlunnik ukiut tamaasa qanilliallattarpugut
Nunatsinni qaqqat ukiumut centimeterinik marlussunnik qaffattarput, nunarsuarpullu ukioq 2025-mi centimeterinik sisamanik ukiumut qaffattalissasoq, ilisimatuut siulittuutigaat.
Tamanna pissaaq sermersuaq aakkiartormat qaarsuillu ammut naqisimajunnaarlugu.
Miamimi Ilisimatusarfissuarmi, University of Miamimi, ilisimatusarnerit nutaat tamanna ersersippaat, ilisimatusarnerit inerneri ilisimatuussutsikkut atuagassiami Nature GeoSciencemi tamanut saqqummiunneqarput.
Radioaqqat GPS-it Nunatsinni sinerissani iliorarlugit misissuinerit inerneri ilisimatuut pissarsiarisimavaat, paasineqartunullu ilaavoq, Kalaallit Nunaat 1990-ikkut qiteqqunneranni qaffariartulersimasoq.
- Sermeq taama sukkatigisumik aakkiartormat uissuumminarlunilu isumakulunnalaarpoq, nunammi qanoq qaffakkiartortiginera uuttortarsinnaanngorsimavarput, professori Tim Dixon, misissuinermi peqataasoq, nutaarsiassaqartitsivimmut CBC Newsimut oqarpoq.
