Qilalukkat tuugaavi pillugit malittarisassat nutaat
Naalakkersuisut taama aalajangiipput, naak naggueqatigiit Inuit akerliugaluartut.
Qilalukkap tuugaavinik avammut tunisaqarnikkut nunaqarfiit aningaasarsiorluarsinnaammata tunisaqarsinnaajunnaarnissamik aalajangiineq akerliuffigineqarpoq.
Uumasunik nujuartanik naasunillu nungutaaqqajaasunik niuerneq pillugu aalajangersagaq, CITES-imik aamma taaneqartartoq, aalajangiinermut tunngaviliisoq, Alain Belle-Isle, Canadap aalisarnermut naalakkersuisoqarfianeersoq oqarpoq.
Okalik Eegeesiak, naggueqatigiit Inuit peqatigiiffiannit Qikigtani Inuit Organisationimeersoq oqarpoq aalisarnermut naalakkersuisoqarfiup isummani allanngortittariaqaraa tuniseqqusaajunnaarnerlu atorunnaarsillugu.
Qilalukkammi Canadap imartaaniittut ilisimatuunit qanittukkut kisinneqarmata 60.000-it missaanniissangatinneqarput, siornatigut oqaatigineqartaraluartoq 30.000-it missaanniittut.
