Upernaviup kommuniani Inuussutissarsiornermi allaffiup nalunaarutigaa, qernertanik qilalugarniarneq ukioq manna 2005-imi juulip aallaqqaataani aallartittoq, aatsaallu aappaagu 2006-imi juunip 30-iata tungaanut killeqartussaagaluaq unitsinneqartariaqalersoq.
Taama unititsinermut tunngaviuvoq qilalukkat qernertat amerlanerpaamik 60-t pisarineqartussaammata, taakkulu tamakkerlugit pisarineqareersimammata qilalukkanik qernertanik qilalugarniarneq unitsinneqartariaqalersoq.
Ilanngullugu erseqqissaatigineqarpoq, qilalugarniartartut akornanni pisaqarsimanermik nalunaanngitsoortoqarsimappat Upernaviup kommunianut nalunaarutigineqassasut.