Qilalukkat qaqortat Alaska-mi eqqissisimatitanngulerput

Qilalukkat qaqortat Alaskami Anchoragep kangerluani nungutaalerlutik ikiliartormata, eqqissisitaanissaat Amerikami oqartussat angunialerpaat, Associated Press taama allappoq.

Qilalukkat qaqortat 1300-nit amerlanerit kangerlummi tassani 1970-kkut ingerlaneranni takuneqartarput. Qilalukkanik kisitsinerit kingulliit naapertorlugit qilalukkat 300-t missaanniipput.

Qilalukkat ikiliartornerat eqqumiigineqarpoq, piniagaanerimi taavani killilersorneqartorujussuupput. Nunap inuuii kisimik pisaqarsinnaatitaapput.

Qilalukkat qaqortat issittumi uumasunut ilaapput, taakkulu nunatta kitaani aamma takuneqartarput. Nunarsuaq tamakkerlugu qilalukkat qaqortat 80.000-t missaanni amerlassuseqarput, nungutaalinngitsutullu nalilerneqarput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat