Qilalukkanit qernertanit tunisassiat avammut tunineqarsinnaaqqilerput

Qilalukkanit qernertanit tunisassiat avammut tunineqarsinnaaleqqinnissaat Pinngortitaleriffimmit akuersaarneqarpoq.
septembarip 17-at 2009 09:31

Tamanna 2005-imi inerteqqutaaleraluarpoq, taamanikkummi pisassiissutit biologit inassuteqaataannit annertunerujussuupput.

Qilalukkat qernertat Kalaallit Nunaat tamakkerlugu qassiunersut Pinngortitaleriffiup aamma kisissinnaasimavai.

Taamaammat ilisimatuut naliliipput qilalukkanit qernertanit tunisassiat avammut tunineqarsinnaaleqqinnissaat Kalaallit Nunaanni qilalukkat amerlassusaannut ajoqutaanavianngitsoq.

Taamaammat Pinngortitaleriffik "Imminut nammassinnaassutsimut tunngasunik oqaaseqaammik" taasamik atsiortariaqassaaq, uppernarsaasumik qilalukkanit qernertanit tunisassiat nunarsuaq tamakkerlugu tunineqaqqittalissagaluarpata qilalukkanut nungusaataanavianngitsoq.

Qilalukkanit qernertanit tunisassiat avammut tunineqaqqissinnaalissanersut Naalakkersuisut aalajangissavaat.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq