Qilalukkanik pisassiissutit amerlavallaarput
Canadami Nunatsinnilu Qilalukkat pillugit ataatsimiisitaliap JCNB-kommissionip innersuussutai marloriaat ilaatigut qaangerlugu qilalukkanik qaqortanik qenertanillu 2007-imi 2008-milu namminersornerullutik oqartussanit pisassiisoqarpoq.
Nungusaataanngitsumik piniarnissaaq uniorlugu qilalukkanik qaqortanik qernertanillu pisassiisimaneq, Aalisarnermut piniarnermullu pisortaqarfiup pisortaata Amalie Jessen-ip ima tunngavilersorppaa:
- Soorunami taanna uggornarpoq, kisianni piniarneq pillugu inatsit aamma oqaaseqarpoq, inuiaqatigiit pisaariaqartitaat atuisullu ilisimasaat aallaavigalugit aalajangiinerit tunngaveqartassasut. Taannalu Naalakkersuisup Finn Karlsen-ip naliliinermini ilaatissimavai. Aamma oqaatigisariaqarpoq, 2004-mili piniarnermut killilersuineq aallartimmalli maannamut qilalukkat pisaasartut ikileriarsimammata. Tassa qilalukkat piniagaasartut appartikkiartuaarneqarsimapput. Aamma 2008-miit ukiuni pingasuni tulliuttuni piniagassanik appaanissamik naalakkersisut pilersaaruteqarput apeqqut taanna uterfigeqqissallugu, Amalie Jessen oqarpoq nangillunilu: - Oqartoqarsinnaanngilaq suna tamaat angullugu nungusaataasumik piniartoqartoq.
Piniarnermut aalisarnermullu pisortaqarfimmi pisortaq Amalie Jessen taama oqarpoq.
Qilalukkat qaqortat 100 pisarineqarnissaanik innersuussutigineqartoq, pisassiissutissatut tunniunneqarput, 165-it-. Qilalukkat qernertat 135-it pisarineqarnissaat innersuussutigineqartoq, 300-t pisarineqassasut innersuussutigineqarpoq.
