Qilalugartassiissutit ukiaru nalileqqinneqassapput
Qilalugartassiissutit ukiamut nutaamik nalilerneqaqqittussanngortut naalakkersuisut qilalukkanik qaqortanik qernertanillu pisassiissuteqarnerminni aalajangiuppaat.
Taama nalileeqqittoqarnissaa Qaanaap kommune-anut pingaaruteqartussaassaaq, nalileeqqittoqarnissaanummi tunngavilersuutigineqarmat pisassiissuteqareernerup kingornatigut Qaanaap eqqaani upernaakkut qilalukkat pisarineqartartorpassuit biologinit suli innersuussutigineqanngitsut Smith Sund-imi pisarineqartarsimasut.
Ullunilu makkunarnerpiaq Qaanaap kommunea qilalugartassiissutit amerlineqarnissaannik qinnuteqarpoq. Naalakkersuisut aalajangiussimagaluarpaat Qaanaap eqqaani qilalukkat 70-t pisarineqarsinnaassasut Savissiviullu eqqaani qilalukkat 25-t pisarineqarsinnaassallutik.