Qilalugartassiissutissat Namminersornerullutik Oqartussanit suliarineqarnerat Aalisartut Piniartullu Partiiata utaqqikatalerpai.
- Qilalukkanik Qaqortanik qernertanillu pisassiinissaq 2007-2008-mut tunngasoq juulip aallaqqaataanit pisussaagaluaq suli kinguarsarneqartuarpoq, ullunilu makkunani tusarniaaneq kingusinaartoq ingerlanneqarmat aatsaat juulip 18-iata kingorna pisassiisoqassaaq. Aalisartut Piniartullu Partiianni siulittaasup tullia Pavia Nielsen allappoq.
Kingusinaartumik pisassiisarnerup pisassaagaluanik annaasaqarnermik piniakkanillu isiginnaaginnartariaqalernermik kinguneqartarnerarpaa.
- Taamatut pissuseqartuarneq akuersaarneqarsinnaangilaq,
Namminersornerullutillu Oqartussat nalunaarummik nammineerlutilluuniit malinissinnaanngimmata
isumaqarpugut Inatsisartut Ombudsmand-iat pineqartumut akuliutinneqartariaqartoq. Pavia Nielsen tunngavilersuivoq.