Qilalugartassiissutaaqqittut nuannaarutigaat

Qilalugartassiissutit amerleqqinneqarneri Ilulissat kommuneanit iluarisimaarneqarput.

Ilulissat kommuneani qilalukkat qaqortat 40-nik ilaneqarput, agguaanneqarnissaali tullernguuttut. borgmesteri Anthon Frederiksen oqarpoq,

- Piniarnermi inuutissarsiuteqartut pisariaqartitsinerat paasilluarneqarmat tamanna qujarupparput, alloriarnissarlu tullernnguuttoq tassaavoq qilalukkat qaqortat pisassat Ilulissat kommuneata iluani agguaanneqarnissaat, aamma nunaqarfimmi aqutsisut piniarnermullu peqatigiiffiit isumasiorneqarput, ullunilu qaninnerni qilalukkat qaqortat pisassat qanoq agguaanneqassanersut paasinarsiumaarpoq, Anthon Frederiksen Ilulissani borgmesteri oqarpoq nangillunilu:- Aamma tulliuppoq pisassiissutit apparsarneqannginnissaanut aalajangiusimanninnissaq. Aamma Pinngortitaq pillugu nunarsuaq tamakkerlugu suliniaqatigiiffik WWF-ip Kalaallit Nunaanni piniartuunermik ilisimasaqannginnera erserpoq, taakkualu ilisimasaat annertusarneqartariaqarput, Anthon Frederiksen oqarpoq nangillunilu: - Piniarnerninnarmik inuussutissarsiuteqartuunerup qanoq ittuunera ersarissumi paasissutissiissutigineqartariaqarput. Aamma piniakkanik uumasunillu ilisimatuut eqqoriaanerinnangajammik tunngaveqarlutik aalajangiititsisarnerat sapinngisamik paaseqatigiiffiusumik aaqqinneqarnissaa pisariaqarpoq. Aamma Kalaallit Nunatta imartarujussuani sikoqassuseq aammalu sikup ingerlaartarnera eqqarsaatigalugu, qaqugukkulluunniit tamakkiisumik arfeqassutsimut tunngasut paasissutissiissutigineqarsinnaanera qulakkeerneqarsinnaanavianngilaq, Anthon Frederiksen naggasiivoq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat