Qilalugartasseeqqissinnaa-<br />nissaq ataasinngorpat aalajangiiffigineqassaaq

Avannaani kommuneqarfiit qilalugarniarfiusartut qilalugartassiissutit ilaneqarnissaannik qinnuteqaataat Naalakkersuisut suli suliaraat. Suliarli sumut killippa? Tamanna aalisarnermut piniarnermullu naalakkersuisunngortumut Finn Karlsen-imut apeqqutigaarput, imalu akivoq:

- Ullumikkut Naalakkersuisut ataatsimeeqqaarnitsinni piaartumik iliuuseqarfissat eqqartorpagut, naalakkersuisoqarfissannullu atuutilerninnut atatillugu oqarpunga pineqartunut attuumassuteqartut pinngitsoorata oqaloqatigilluaqqaarlugit paaseqatigeqqaarluarlugillu aalajangerotqassasoq. Soorunami kikkut tamarmik iluarisaanik aalajangersinnaanngilagut, taamaattorli oqaloqatigiinnerit aallartereerput. KNAPK ulllumi oqaloqatigineqarpoq. Pinngortitaleriffik ataasinngorpat oqaloqatigissavarput. Taakkua qulaatiinnarlugit aalajangernissaq ajornakusoormat aalajangernissaq ataatsinngorpamut kinguartipparput.

Finn Karlsen-ip piniartut utoqqeqqissinnaajunnaarnerat paasilluarnerarpaa.

- taakkununnga utaqqinissaq sivisungaluarpoq. Ullumininnguungaluarput kisiannili isumaqarujussuarlutik. Aaljangiinissamut oqaloqatissagut oqaloqatigilluaqqaarlugit aalajangeerusuppugut.

Finn Karlsen oqaluttuarpoq maanna Aasiaat Qeqertarsuarlu qilalgarpassuarnit tikinneqarsimasoq, aammali Uummannaq suli aamma peqarluarneraraat ilisimatinneqarsimalluni.

Massakkut neriusaariniannginninni erseqqissaatigaa.