Nunavimmi qilalukkat qaqortat ukioq manna pisarineqarsinnaasut 170-t sinnerlugit piniartut pisaqassagunik aappagu ikinnerusunik qilalugartassinneqassapput.
Nunavimmi aalisarnermut ministereqarfimmit pisassanik sinniilluni pisaqartarnerit siullerpaamik killilersuiffigineqarnialersut, Nunatsiaq News ullumi allappoq.
Qilalukkat qaqortat ukioq manna pisarisassat agguaanneqareerput. Hudsonip Ikerasaani 135-t pisarineqarsinnaapput, James Bayimi Long Islandimilu 30-t pisarineqarsinnaassallutik, taavalu Islandimi misileraatigalugu qilalukkat qaqortat tallimat Ottawamit pisarineqarsinnaassallutik.
Taakkunannga amerlanerusunik pisaqartoqassappat aappaagu pisassat ikilineqassapput.
Nunatsinni qilalukkat qaqortat 220-t juunip 30-ata tungaanut pisarineqarsinnaapput.