Qilalugartassat amerlineqarneri Pinngortitaleriffimmiit ajuusaarutigineqarpoq

Qilalukkat qernertat pisassiissutigineqartut 50-inik ilaneqarneri qaqortallu avannaani pisassat 92-inik kujataani pisarineqarsinnaatitaalerneri Pinngortitaleriffimmit ajuusaarutigineqarpoq.

Pinngortitaleriffimmi passissutissiisartoq Emma Kristensen oqarpoq, biologit siunnersuinerat akimorlugu pisassiineq ajuusaarnartoq:

-Biologit siunnersuinerat akimorlugu aalajangiisoqarnera ajuusaarnarpoq; kisianni tusaatissatut tiguinnarsinnaavarput pinngortitaleriffik siunnersuisuinnartut inissisisimammat, Emma Krestensen oqarpoq.

Emma Kristensen oqarpoq pisassat amerlineqarneranni Pinngortitaleriffik Aalisarnermut Piniarnermullu Naalakkersuisumit Finn Karlsen-imit pisassat innersuussutigineqartut tunuliaqutaannik nassuiaavigineqarsimasoq.

Emma Kristensen oqarpoq ukiuni kingullerni qilalukkat ikiliartupiloornerat allaat

eqqissisimatitsisariaqalernermik kinguneqarsinnaasoq.

-1990-ikkunnili biologit oqalulerput qilalukkat ikiliartupiloortut.

2001- minngaaniit siunnersutigineqarpoq piujuaannartitsinissaq tunngavigalugu piniarneqassappata qaqortat ukiumut 100-innaat pisarineqassasut.

Emma Kristensen assersuusiorluni oqarpoq 1992-imi avannaani qaqortat 697-it pisarineqarsimasut, 2004 –milu 39 pisarineqarmata 1960 imili aatsaat taama ikitsigisut pisarineqartut.

-Siorna kitaani pisarineqartut qaqortat 91- iupput, tassalu ukiuni 150 - ni pisat aatsaat taama ikitsigisimallutik. Tassa oqarsinnaavugut 1990-ikkunnili biologit tusaaniarneqarsimasuuppata qaqortat ikiliartornerat taama sukkatiginavianngikkaluarpoq, Emma Kristensen oqarpoq.

Emma Kristensen aamma oqarpoq, qilalukkat qernertat 50-inik ilaneqarnerisa kingunerisinnaasai nalunartut, kisiannili qernertat marloriaammik amerlassuseqalissagunik piniarneqanngiivillitik aatsaat ukiut 24 - t qaangiunnerini marloriiaatinngorsinnaasut.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat