Qilalugartassanik agguaasseqqittoqarpoq

Naalakkersuisut qilalugartassiinissamik ippassaq aalajangernerat marloqiusamik tunngaveqarpoq; pisassat atorneqarsimanngitsut massakkullu pisassiissutigineqartut amerlineqarneranik tunngaveqarami.

Qilalukkat qernertat pisassat 50-inik ilaneqarput katillugit 310-nngortillugit, taakku 2005/2006-imi kommuninut assigiinngitsunut agguaanneqarput. Kommunit tamarmik immikkut tallimanik tunineqarlutik. Kommunit pineqartut tassapput; Kangaatsiaq, Aasiaat, Qeqertarsuaq, taakku saniatigut 35-it Uummannamut tunniunneqarput. qilalugartassat qernertat 30-inik amerlineqarneri pisassiissutissanit ilaanngaataassanngillat. Qilalugartassat aappagu qilalugartassanit, tassa 2006/2007-imi qilalugartassanit, ilanngaatigineqassapput, piniarnermut aalisarnermullu pisortaqarfimmi pisortaq Amalie Jessen taama paasissutissiivoq.

Qilalukkat qaqortat agguaateqqinneqarput, ukioq manna pisassanit 92-init Qaanaami Upernavimmilu pisarineqarsimanngitsut kommuninut assigiinngitsunut agguaanneqarput. tassa Uummannamut (qulit), Qeqertarsuarmut (qulit), Ilulissanut (40-t), Qasigiannguanut kiisalu Aasiannut (taakku tamarmik sisamat), Kangaatsiamut (arfineq-pingasut), Sisimiunutt (qulit) aamma Maniitsumutt (6).