Qilalugaq qaqortaq tunumi nakkutigineqarsimavoq
Pinngortitaleriffik allappoq, Kangerlunni Tasiilap Kangerlussullu akornanniittuni misissuinerminni naammattoorsimgaat qilalugaq qaqortaq kisermaaq
Ukiuni kingullerni 100-ini taamaallaat 5 – 10-it qilalukkat qaqortat takuneqarsimammata, kisianni Tasiilami Ittoqqortoormiinilu piniartut takusarsimalutik nalunaarutigisimavaat.
Ilimagineqarsinnaavoq immaq qilalukkat qaqortat amerlanerulersinnaanerat.
Taamaatumik Ilisimatooq Mads Peter Heide-Jøgensen Pinngortitaleriffimmit paasissutissanik suli amerlanerusunik qilalukkat qaqortat pillugit paasisaqarusuppoq.
- ilisimatooq Mads Peter Heide - Jørgensen oqarpoq assut pissanganartoq, takkuttartut amerliartulernersut.
Mads Peter Heide-Jørgensen isumaqarpoq, Immaqa Svaldbardimi qilalugaqatigiit amerliartortut, maangalu annguttartut tammartajaartuusinnaasut.
Kisianni ilimanarpallaannginnerarpaa paasissutissat akissutaasinnaasut suli annikippallaarmata, taama oqapoq.