Inuit 80-it missaat qilalukkamik qaqortamik taassuminnga annaassiniarsimagaluarput, ilaatigut politiit qatserisartullu katillutik 40-t aamma ikiuupput.Assi: Jean-Francois Monier/AFP/Ritzau Scanpix

Qilalugaq qaqortaq Seinenimi tippussaasimasoq annaanniarsarineqareerluni toqusoq

Qilalugaq qaqortaq Seinenimi tippussaasimasoq ullumi pingasunngornermi qaqinneqarpoq. Qilalugarli taanna nukillaangasimavoq qaqinneqatsiaannartorlu toqusimalluni.

Qilalugaq qaqortaq Frankrigimi kuummi Seinenimi tippussaasimasoq qaqinneqareerluni nalunaaquttap akunnialuit qaangiummata toquvoq. Suli toqunngitsoq annaanniarneqarsimagaluarpoq.

Frankrigimit oqartussaasut taama paasissutissiipput.

Qilalugaq qaqortaq taanna kranimik ullumi pingasunngornermi ullaakkut qaqinnneqarpoq.

Qaqinneqareermat lastbiilimik illoqarfimmut sinerissamiittumut Ouistrehamimukaanniarlugu containerimut nillataartumut inissinneqarpoq.

AAMMA ATUARUK Silap pissusaata allangoriartornera pissutigalugu arferit avannartissapput

Qilalugarli taanna assartorneqartigani toquvoq.

Qilalukkat qaqortat Issittup imartaaniikkajupput.

Qilalugaq qaqortaq taanna siumorneqaqqaarmat Frankrigimi illoqarfiit pingaarnersaata Parisip sineriaanit 130 kilometerisut tiffasitsigisumiippoq.

Inuit 80-it missaat qilalukkamik qaqortamik taassuminnga annaassiniarsimagaluarput, ilaatigut politiit qatserisartullu katillutik 40-t aamma ikiuupput.



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl