Qilaatersorneq pilerinartuussaaq
Nuummi inuusuttut siuarsartut illuanni (N.U.I.F.-imi) ukiumi nutaami pisussat piareersarneqaleruttorput, taakkununnga ilaapput qilaatersornermik uaajeernermillu ilinniartitsineq.
Kulturitta sammineqarnerulernissaa Nuummi inuusuttut siuarsartut illuanni pisortap Rasmine Geislerip pingaartippaa:
- Qilaatip nipaata tusarnissusaa maani illup iluani tusartissinnaaleratsigu nuannaarutigaara, uagummi nammineq kinaassuserput aallaavigalugu nipiliortissinnaavarput tusarnersunngortillugu, Rasmine Geisler sermersooq.gl-imut oqarpoq.
Leif Immanuelsen qilaatersornermik uaajeernermillu sammisaqartitsisuussaaq. Taamaattumik qilaatersornerup suuneranik paasisaqarusuttut pingasunngornermi decembarip 14-ani nal.20.00 NUIF-imut oqalugiarfigineqarlæutillu takutitsiffigineqassapput.