Qeqqussat tarngutinngiinnarpaat
Qeqqussat Nunatsinneersut atorlugit cremenik amerissaammik sanaartorniarnerigaluaq aningaasassaarunneq pissutigalugu piviusunngorsinnaajunnaarpoq.
Aviisimi Fyens Stiftstidendemi tamanna allaaserineqarpoq.
Allattoq Carla Davidsen
decembarip 13-at 2012 09:24
Kalaallit Nunaanni imaq, Danmarkip imartaanut naleqqiullugu, eqqiluinnerusoq eqqarsaatigereerlugu, Fynip avannarpasissuani suliffeqarfik, CoolNature, qeqqussat Nunatsinneersut atorlugit, akuutissartaqanngitsunik cremeliorniaraluarpoq.
Qeqqussat Kommune Kujallermi aalisartunit katersorneqaraluarput. Taakkuli Danmarkimi suliarineqanngitsoorput, tamannalu maanna tassa piviusunngorsinnaajunnaarpoq.
Suliffeqarfiuteqaraluartoq tassaavoq kemiingeniøri, Trine Hussfeldt. Taassuma qeqqussat akoorneqanngitsut sapigalinnut tarngusiariniarlugit ukiuni qulini misiligaraluarpai.
Suliffeqarfik sooq akiliisinnaajunnaarnersoq aviisimut Fyens Stiftstidendemut itisilerusunngilaa, oqarlunili nammineq inuttut ajornartorsiuteqarnini pissutaasoq.
