Assi: Simon Uldum/KNR

Qeqqata Kommuniata talittarfiit mittarfillu piginneqatigiiffiliorlutik tigorusuppai

Qeqqata Kommuniata kommunalbestyrelsia ippassaq sisamanngornermi Kangaamiuni ataatsimiinnermi, kommuni piginneqatigiiffimmik pilersitsisinnaanissaa akuerivaa, kommunimi sanaartugassat annerusut ataatsimoortinneqarlernissaat anguniarlugu. Piginneqatigiiffik Arctic Circle Traffic A/S-imik atserneqassaaq.

Qeqqata Kommuniata pilersaarutigaa Sisimiuni talittarfissuassaq kommunimut atasoq aqqusinissarlu sermersuamiit Kellyvillep tungaanut ingerlasussaq, piginneqatigiiffimmut siulliullugit inissinniarlugit.

Kingusinnerusukkut Namminersorlutik Oqartussat Kangerlussuup mittartifa piginneqatigiiffimmut ataatsimoorussamut inississinnaassavaat.

Naalakkersuisut pilersaarutinut peqataarusunngikkunik Qeqqata Kommunia Kagerlussuarmi mittarfik pisiarisinnaanissaanut neqerooruteqarsinnaavoq koruunimik ataatsimik akilersillugu.

Kommunip takorloorpaa Naakakkersuisut mittarfii allat talittarfiillu Qeqqata Kommuniaaniittut taamatuttaaq piginneqatigiiffimmut inissinneqarsinnaassasut, imaluunniit Arctic Circle Traffic-imut tunineqarsinnaassasut, taakku aamma ataasiakkaarlugit én krone-lerlugit.

AAMMA ATUARUK Mittarfissat naafferarlugit sanasigit

Eqqarsaatersuutaavortaaq piginneqatigiiffiup, pilersaarutit pioreersut naapertorlugit, Sisimiut Kangerlussuarlu akornani aqqusinniornissaa isumagissagaa.

- Taamatut aaliangiisoqarneratigut Qeqqat Kommunia piareersimavoq Kangerlussuup mittarfittut, takornarissanik katersuuffissatut kiisalu kommunimut tamarmut minnerunngitsumillu Kangerlussuarmiunut sukisaarsaarfissatut ineriartortissallugu. Taamatut  Kangaamiuni ataatsimiinnerup kingorna Borgmesrter Malik Berhelsen oqaaseqarpoq, nangillunilu:

- Piffimmi periarfissat upperaagut mittarfik nunaqarfillu sorsussutigissavagut. Piginnittuusussat piffimmiittuunissaat pingaaruteqarpoq, Namminersorlutik Oqartussat, Kangerlussuup mittarfia pillugu unammilliutaasut aqusinnaanngikkunikku. Taamatut Borgmesteri naggasiivoq

AAMMA ATUARUK Mittarfiliorneq pioreersunilluunniit atuiinnarneq aningaasaqarnermut assigiippoq

AAMMA ATUARUK Danmarkimi naalakkersuisut nunatsinni mittarfiliortiternissaq oqaloqatigiissutigerusuppaat

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat