Assi: Simon Uldum/KNR

Qeqqata Kommuniata Kangerlussuaq tigorusuppaa

Qeqqata Kommuniani borgmesterip Kangerlussuarmi mittarfiup piuvinnarnissaa pillugu tigorusuppaa. Tamanna aviisimut Sermitsiaq oqaatigaa.

Qeqqata Kommuniani kommunalbestyrelsi Kangerlussuarmi mittarfiup tigunissaanut piginneqatigiiffiliornissamut periarfissat oqallisiginiarlugu maajip 24-ani ataatsimiissaaq.

 - Naalakkersuisut Kangerlussuarmi mittarfik pisariaqartinngippassuk, taava kommunip inuussutissarsiuteqartut namminersortut suleqatigalugit tigorusuppaat, taamaaliornikkut takornariaqarneq eqqarsaatigalugu iluaqutigisinnaagatsigu, Qeqqata Kommuniani borgmesteri, Malik Berthelsen Sermitsiamut oqarpoq

AAMMA ATUARUK Kangerlussuarmi amigartoorutit Kielsenip matussuserusuppai

Endnu ikke i dialog

Kommunilli inuussutissarsiuteqartut namminersortut mittarfiup tigusinnaanissaanut suleqatigiinnissamut periarfissanik suli oqaloqatigiissuteqarfiginngikkai borgmesterip oqaatigaa.
 
Nuummi Ilulissanilu mittarfissuarnik nutaanik sanaartortoqarniarnera pissutigalugu nunatsinni atlantikoq qulaallu timmisartuussinermut mittarfiit maanna piusut siunissaat nalorninarpoq.

AAMMA ATUARUK Heliportinngortitsiniarneq Partii Naleqqap Demokraatillu isummerfigerusunngikkaat

Deloittep misissueqqissaarnera naapertorlugu mittarfissuit marluk maanna piusut qulimiguulinnut mittarfinngortinneqarnissaat Kangerlussuullu nunap ilaani mittarfittut atorneqalernissamut periarfissaasoq naatsorsuutaavoq.
 
Qanorluunniit iliortoqaraluarpat nunaqarfinni taakkunani marlunnik suliffippassuit annaaneqassapput, tamannalu innuttaasut ernumanartoqartippaat. Kangerlussuaq qulimiguulinnut mittarfittut atorneqalissanngitsoq, Kim Kielsenip qineqqusaarnerup nalaani oqaatigaa

 

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat