Qeqqata Kommuniani qimarngueqalernissaa IA-p kissaatigaa
Nunatsinni illoqarfinnit 17-iusuit qulingiluaannaat qimarngueqarput.
Ilaat kommunit ingerlataraat ilaallu kajumissutsiminnik suliaqartunik ingerlanneqarlutik.
Qeqqata Kommunia qimarngueqanngilaq. Tamaammat angerlarsimaffiit perorsaanermi atugassatut pilersitat qimarnguittut atugaapput.
Taamaammat nunatta karsianit aningaasalersukkamik assigiiaartumillu tunngaveqartunik illoqarfinni anginerni tamani qimarngueqalernissaa, Qeqqata Kommuniani kommunalbestyrelsimut ilaasortaq Juliane Enoksen, siunnersuuteqarpoq.
Ilulissat
Qeqertarsuaq
Aasiaat
Kangaatsiaq
Nuuk
Paamiut
Qaqortoq
Narsaq
Tasiilaq
-Inatsisitigoortumik periarfissaqanngilaq illersuinertalimmik, soorlu oqarluni nuna tamakkerlugu oqartoqannginnami illoqarfiit anginerit ukua tamarmik qimarngueqassapput naak pisariaqartitsigaluarluta, Juliane Enoksen isumaqarpoq.
Aamma qimanguiit nunatta karsianit aningaasalersorneqartariaqarsorai:.
-Pisariaqarpoq pilersitsisoqarnissaa, aamma illoqarfinni allani sineriammi tamani pisariaqartitsineq taanaajuaannarpoq.
Nunatsinni arnat tamarmik 62 procentii persuttagaanermik arlaatigut eqqugaasimasuusartut, Danmarkimi atugarissarneq pillugu ilisimatusarfiup 2009-mi nalunaarusiaani atuarneqarsinaavoq.
Meeqqat 27 procentiisa arnartik persuttagaasoq isigisimalluguluunniit tusaasarsimagaat, nalunaarusiami tassani aamma allassimavoq.
Ilaannaalli persuttaasumit qimaasinnaapput.
