Qeqqata Kommuniani innuttaasut akerleriittut

Maniitsormiut Sisimiormiullu isumaqatigiinnginnerat tusarsaalerpoq. Taamaakkaluartoq kommuunimi akileraarutip 2012-mi qaffannissaanik kommunalbestyrelsep aalajangernera allanngortinneqarnavianngilaq.

Maniitsormiut nunaqarfinnilu qanitaani najugallit atsiornernik katersisimapput. Akerliuffigineqarpoq akileraarutip qaffanneratigut Sisimiuni umiarsualiviup allinissaa aningaasalersorniarneqarmat. Akerliusut misigisimapput qulaatiinnarlutik kommunalbestyrelse aalajangersimasoq.

Maniitsumi nunaqarfinnilu qanitaani atsiornerit 234-it katersorneqarsimapput. Tassungalu peqatigitillugu Sisimiuni aamma atsiornernik katersisoqarsimavoq qulequtserlugu "Maniitsormiut akueriinnassavagut?" Sisimiormiut 437-it tassani atsiorsimapput. Tamanna erserpoq kommunalbestyrelsep immikkut ittumik ullumi ataatsimiissutissaani.

Borgmester Herman Berthelsenip innuttaasut qulaatiinnarlugit aalajangertoqarsimaneraanera ilumuunnginnerarpaa. Taassuma innersuussutigaa kommune pillugu pilersaarutip 2010-mi Sisimiuni Maniitsumilu tusarniaassutigineqarsimanera.

- Maniitsumi Sisimiunilu innuttaasunik ataatsimiisitsinermi nalunaarutigineqarpoq umiarsualiviup tattoqisaaffiusup allinissaa siunissami qanittumi avaqqunneqarsinnaanngitsoq, Herman Berthelsen kommunalbestyrelsemut nassuiaammini allappoq.

Sisimiut umiarsualiviat allineqartussanngorpoq illoqarfik taanna nunatta qeqqaniittoq uuliasiornermi iluanaarutinik ilageeqataaniassammat. Canadamiut suliffeqarfiat Husky Energy pilersaarpoq 2013-mi uuliasiorluni qilleriniarluni. Kisianni annertunerusumik suliaqarfiunissamut Sisimiut umiarsualiviat ullumikkut mikivallaarpoq.

Kommunalbestyrelsep siunniuppaa innuttaasunut ilisimatitsisarneq pitsanngorsarneqassasoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat