Qeqqata Kommuniani 25 procent anguniarpaat
Qeqqata kommuniani kommunimut akileraarutip aappaagu 25 procentiunissaa anguniarneqartoq, Qeqqata kommuniani ikaarsaariarnermut ataatsimiititaliap siulittaasua Hermann Berthelsen, Siumut, radioaviisimut oqarpoq.
Allattoq Louise M. Kleemann
Sisimiut kommuniani kommunimut akileraarut maanna 25 procentiuvoq Maniitsup kommuniani 26 procentiulluni.
- Qeqqata kommuniata missingersuutissai novembarimi eqqartorneqalerpata, ilumut 25 procentiussanersoq aalajangerneqarumaarpoq, anguniagaavorli, Hermann Berthelsen oqarpoq.
Tassalu akuerineqassappat, Maniitsup kommunianeersut tamakkerlugu 1 procentimik akileraarnikinnerulissapput 43 procentiniit 42 procentinut.
Qaasuitsup kommuniani kommunimut akileraarut 27 procentiussaaq.