Qeqqata Kommuniani 2014-imi suliniutinut aqutsisutsialattut akissarsititsisoqartoq

Qeqqata Kommuniata atuilluarnissamik suliniutaanut atatillugu nutaatut 2014-imi suliniutinut aqutsisutsialannik akissartitsisoqartoq, kommuni tusagassiorfinnut nalunaaruteqarluni taama allappoq.
Assi © : Qeqqata Kommunia
Allattoq Laura Aggernæs
februaarip 11-at 2015 07:39
Nutserisoq Simon Uldum -

Sulilluarsimasut suliniutiminnut atugassatut immikkut 100.000 kr.-inik akissarsitinneqarput, saniatigullu umimmaap qiviuinik paffequtinik tunineqarlutik, tassaappullu Qeqqata Kommuniani perorsaanermut siunnersortitut atorfillit, Pia Lennert aamma Sara Heilmann Rosing.
 
Taakku 2014-imi suleqatigiillutik meeqqeriveqarfinni angajoqqaat akisussaaqataanerat suleqatigiinnerallu pimoorullugu tunuliaquttat ataatsimiittarnerat kiisalu siumoortumik iliuuseqartarneq aqqutigalugit suliniuteqarfigisimavaat.
 
Aammattaaq meeqqerivinni digitalinngorsaaneq ingerlassimavaat iPadilu aqqutigalugu meeqqat atualernissaannut piareersartinneqartarsimallutik.
 
Akissarsitinneqartut taamatut akissarsitinneqarnertik nuannaarutigaat Qeqqata Kommunianilu meeqqat suliniuteqarfiginissaannut atornissaat qilanaaralugu, kommuni taama allappoq.

Aamma atuaruk