Assi: KNR / Malik Brøns

Qeqqata Kommunia tunillanneqarsimasuerummat: Mianersorsimaqaagut

Qeqqata Kommuniani coronavirusumik tunillanneqarsimasut arfineq pingasut tamarmik peqqissinikuupput.

Qeqqata Kommuniani coronavirusumik tunillanneqarsimasut arfineq pingasut tamarmik peqqissinikuupput.

Qeqqata Kommunia nunatsinni kommunini coronavirusumik maanna tunillaassuiffiunnginnerpaavoq.

Innuttaasut imminut paarilluarnerat pissutaasoq kommunimi pisortaaneq naliliivoq.

- Soorunami assorujussuaq oqiliallannarpoq. Aamma ullut taakkua assut tamatta sissueqqissaarluta atoratsigit. Aamma malunnarluni inuit pisarnerminniit sissuernerujussuusut. Kaffillerniaraluit kinguartitsipput, aamma ilaqutariit mattusimallutik tamarmik immaqa perrattut oqaatigineqarsinnaavoq, Qeqqata kommuniata pisortaanera Juliane Henningsen Heilmann oqarpoq.

Sisimiuni inuit arfinillit coronamik tunillanneqarsimasut Juulip aqqaneq-aappaanni KNR-miit oqaluttuaraarput.

Mannali Nunatta Nakorsaaneqarfiata nittartagaa naapertorlugu arfineq pingasut taakkua tamarmik peqqillisimapput, allanillu tunillanenqarsimasoqarnani.

Taamaammat Qeqqata Kommuniata innuttaasunut saaffiginnittarfiit tamaasa juulip 20-ani ammaqqipaai, inuit ornigullutik saaffiginninnerminni qanermut assiaquteqarnissaat inuillu imminnut qanillinaveersaarnissaat taamaallaat inassutigalugu.

- Kaammattuerusuppugut suli maannamut aamma nangittumik sissuerluta pissasugut. Inunnut akulerusumavallaarnata. Aammalu immaqa aalajangersimasunik peqateqarsinnaasugut amerlanngutsunik. Aammalu maannamut ileqquliunnikuusagut, eqqiluisaarneq, aammalu sissuerluni pineq taakkua nangissagisgut qasukkarnaveersaarluta.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat