Qeqqata Kommuniata atuilluartuuninngornissamut nanoq qungujulasoq ilisarnaatitaarigaa

Nakkaatitsivik nutaamik ilisarnaatilik - ilisarnaat tassaalluni nanoq qungujulasoq - tassaavoq Qeqqata Kommuniata atuilluartuuninngorumalluni suliniutaa.
Assi © : Qeqqata Kommunia
Allattoq Karsten Sommer
oktobarip 13-at 2016 06:08
Nutserisoq Erna Lynge

Kommunip suliffeqarfiutaani tamani ulluinnarni innaallagissamik, imermik kiassarnermillu atuinermi ileqqaarnissaminnut ikiorneqassapput.

Sulisut namminneq nuannaarlutik avatangiisinik illersuissapput.

Ileqqaarutimik nalingi missingersuutiminnut nammineq ilisinnaavaat.

Assersuutigalugu atuartut ilinniartitsisullu atuarfimmi kiassarnermi, imeqarnermi qullernillu atuinerminni ileqqaarluarsimagunik angalaarnermut, nipilersortitsinermut allatulluunniit nuannannermut aningaasat atorsinnaavaat.

Læs også Qeqqata Kommunia sætter pris på bæredygtighed

- Isumaqarpugut ulluinnarni eqqarsarluarnikkut ileqqaarluartoqarsinnaasoq. Suliffeqarfippassuit qulaani taasatsinnik ileqqaarnermikkut akiliutimik 10 procentii angullugit ileqqaarsinnaapput. Aningaasarpassuanngorsinnaapput, avatangiisitsinnullu iluaqusiilluni, Qeqqata Kommuniani aningaasaqarnermut pisortaq Claus Espersen taama oqarpoq.

Claus Espersen suleqatinilu marluk ungasinngitsukkut kommunip suliffeqarfiutai tamaasa alakkarteriffigisalissavaat.

Suliffeqarfinni aqutsisoq peqatigalugu suliffeqarfik sammissavaat ileqqaarfissatullu periarfissat tikkuartorlugit, taamaalillutik avatangiisinik artorsartitsinatik.

Pilersaarut 2020-mi Qeqqata Kommuniata Issittumi atuilluartuunissamut inuiaqatigiittut maligassiuisuunissaanik takorluugaanut ilaavoq.

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk