Qeqqata Kommunea atuisinnaanermut piginnaatitaaffeqarnererusuppoq
Ingammik atuisinnaanermut akuersissuteqartarneq soqutiginarpoq. Tassami Inuussutissarsiornermi Siunnersuisoqatigiit kissaatigaat, inatsit maanna atuuttoq allanngortinneqassasoq, taamaalilluni sumiiffinnik assigiinngitsunik atuisinnaanermut piginnaatitaaffeqartoqarsinnaanngorlugu. Taamaalilluni aalisarneq, taammajuitsussarsiorluni piniarneq sisorarnerlu ineriartortinneqassallutik, tassaapput Qeqqata Kommuniani takornarniaqarneq pillugu isumasioqatigiisitsinermi oqallisigineqartut.
- Qeqqata Kommunia takornariaqarnermut tunngasunik pitsaasunik neqeroorutissaqareerpoq, suli pitsanngorsarneqaqqissinnaasunik, ilaatigut neqeroorutinik alutornarluinnartunik piumaneqarluartunillu atuutilersitsinikkut, borgmester Hermann Berthelsen oqarpoq.
Sisimiuni inuussutissarsiornermut pisortaq, Jørgen Peter Labansen, isumasioqatigiinnermik aaqqisuisuusoq, aamma naammagisimaarinnippoq.
- Aalisarneq Qeqqata Kommuniani annertuumik aningaasarsiutaavoq, oqaatigerusupparali takornariaqarneq aamma kommunimut annertuumik aningaasarsiutigineqaleraluttuinnarlunilu suliffissaqartitsigaluttuinnartoq. Taamaattumik Qeqqata Kommuneani ukiuni aggersuni anguniagassanik aalajangersimasunik siunnerfeqalerneq paasillugu nuannerpoq, Sisimiuni inuussutissarsiornermi pisortaq, Jørgen Peter Labansen, oqarpoq.
Qeqqata Kommuniani inuussutissarsiutitigut siunnersuisoqatigiinngorlaat Sisimiut aamma Maniitsup kommunerisimasaani inuussutissarsiornermut siunnersuisoqatigiinneersunik ilasortallit, kingusinneerpaamik juulip aallaqqaataani naapissapput.
