Qeqqata ilinniarnertuunngorniarfiani kalaallisut ilinniartitsisoq aningaasarsialunneq pissutigalugu suliunnaalersoq
Nuummi Qeqqata ilinniarnertuunngorniarfiani kalaallisut ukiuni sisamani ilinniartitsoq, Kîstâra Vahl, ilisimatusarfimmilu kalaallisut ilinniagartooq, aalajangersimavoq suliffimmik allamik atorfininniarluni. Soorliuna atorfini qimanniaraa?
- Pingaarnerpaatut tunngavigivara akissarsiat annikippallaarneri taavalu aamma suliffimmi atugassarititat qatsukkakkit, ukiut arlallit uparuartaraluarlugit iluarsiartuuteqanngimmata, Kîstâra Vahl oqarpoq.
Ullup qeqqanut radio aviisimi oqaatigineqarpoq ilinniarnertuunngorniarfinni kalaallisut ilinniarluarsimasut ilinniartitsisut amigaatigineqartut, tamanna paasisinnaaviuk?
- Aap. Soorunami. Ilisimatusarfimmi naammassisartut kikkuusut nalunnginnatsigu ussiataartaraluarparput ilinniarnertuunngorniarfimmi atorfineqqullugit. Kisiat tassa arlaleriarlunga naammattuuisarpunga atorfinikkusunngitsunik aningaasarsiat annikinnerat pissutigalugit, Kîstâra Vahl naggasiivoq.
Kîstâra Vahl-ip ilanngullugu oqaatigaa ilinniartitsisuuneq nuannrigaluarlugu, ilinniartitsisuuginnarusukkaluarlunili, kisiannili aningaasarsiat annikippallaarneri pissutigalugit unittariaqarluni.
Kîstâra Vahl, suliffittaaminut januaarip ulluisa aallaqqaataanni sulileruni 7.000 koruuninik aningaasarsiarissaarnerulissalluni oqaatigaa.