Qeqqani tuttunik kisitsineq naammassivoq
marsip 18-at 2005 05:32
Pingortitaleriffik piniartunik suleqateqarluni ulluni makkunani nunatta qeqqani tuttunik kisitsivoq. Ullunilu kingullerni silagittarnera iluaqutsiullugu Maniitsup eqqaani kisitsinerit naammassineqarsimalerput.
Maniitsup sermersuaniit avannamut Nassuttuup tungaanut kisitsinerit nanginneqassapput.
Inuussutissarsiutigalugu piniartoq, piniarnermullu nakkutilliisoq tuttunik kisitseqataasussaassapput.
Kisitsinermi siuliani eqqartorneqartumi inernerusut kingusinnerusukkut aatsaat saqqummiunneqarsinnaasasut Pinngortitaleriffimmi paassissutissiisartoq Emma Kristensen ilisimatitsivoq.
Tamatumunnga pissutaavoq paasissutissat katersorneqartut sivisujaamik suliarineqarsinnaasarnerat.