Qeqqani kommunit takornariartitsiviliorniarput

novembarip 06-at 2004 10:44

Kitaata qeqqani najugallit Avannaa Kujataalu takornariaqarnikkut unammillernialerpaat. Nuup, Maniitsup Sisimiullu kommunii isumaqatigiipput selskabiliorniarlutik tuluttoorpasissumik atserlugu ”Destination Midt” –tassa ”Destination Disko”-nngitsoq, taamammi ateqarpoq Avannaani kommunit arfinillit takornariaqarnermut selskabertaavat nutaaq.

Diskop eqqaanitut iigartartulimmik kangerloqannginnertik pissutigalugu Kitaata qeqqani kommunit kangerlumminni eqaloqarnersua ussassaarutiginialerpaat, neriuutigaallu sukisaarsaatigalugu nallunniartartut pilerilersissinnaallugit. Kingornalu avataanut aalisariarsinnaaneq aamma ineriartortinniarneqassasoq Nuup kommuneata tusagassiivia tusagassiivoq.