Qeqqani IA: Qinikkat qulaatiinnarlugit aalajangiisarpit?
Sisimiut Maniitsumilu lokalradiuisa qineqqusaartunik toqqaannartumik aallakaatitsimmata, Maniitsumi Siumup immikkoortortaqarfiani siulittaasoq imatut oqartoq tusaaneqarpoq: ”
Maniitsumi efterskoleliornissaq pillugu Naalakkersuisut siulittaasuata Hans Enoksenip toqqaannartumik attavigaanga, kingornalu suliaq aallartinneqarpoq”.
Karl Lyberthip Hans Enoksenimit arlaannik suliakkerneqarsimanini aatsaat oqaatigilinngikkaa Inuit Ataqatigiit oqarput.
Inuit Ataqatigiit aperipput Karl Lyberthip Hans Enoksen eqqortumik issuartarsimaneraa aammalu taamaassimappat politikerit qulliunerusut taama suliariaaseqarnerat eqqortuusinnaanersoq – tassa kommunalbestyrelsit qulaatiinnarlugit aalajangiisarlutik. Inuit Ataqatigiit aperipput siunissami kommunalbestyrelsit qulaatiinnarlugit aalangiisarnerit ileqquliunneqalernersut.
Inuit Ataqatigiit aamma aperipput Siumukkormiunik allanik sanaartugassanik aallartilersunik kalerriuteqartartussanik Hans Enoksen piareersimatitsinersoq.
Inuit Ataqatigiit Maniitsoq qujaruppaat efterskoletaalermat periuserineqartorli eqqumiigigamikku aperipput Karl Lyberthip oqaasii ilumoornersut.
