Qeqqani domprovsti nutaaq
Kujataata provstia Isak Davidsen Qeqqata Tunullu provsteqarfiani akisussaasunngussaaq. Taamaasilluni domprovsti Jakobine Kyed ungasinngitsukkut toqusoq, kingoraassallugu.
Allattoq Najaaraq Egede
septembarip 20-at 2010 09:36
Isak Davidsen ukiorpaalunngortuni palasitut sulisuusoq, Maniitsumi, Narsami Sisimiunilu 2000-imili palasiuvoq, majillu aallaqqaataani Kujataata Provsteqarfiani provstiulluni.
Isak Davidsen provstitut atorfininnerminut atatillugu aamma Ilagiit Kalaallinut domprovstinngortoq, oktobarip aallaqqaataani atorfimini sulilissaaq.
