Qeqertat suliffeqarfissuanngussaaq

Taama, sanarfinermut avatangiisinullu ingerlatsivimmi pilersaarusiornermut pisortaq, Bilo Høegh Stigsen, oqarpoq.

- Inuussutissarsiortut uiguleriisillugit talittarfimmiit Pukuffimmut mittarfimmullu katersuunnissaat uani pineqarpoq. Inuussutissarsiortut naammassisaqarnerunissaat taakkualu pisariaqanngitsumik illoqarfimmut angallatinnginnissaat siunertaavoq,

Pukuffimi talittarfimmiit mittarfimmut maanna suliffeqarfeqareerpoq, suliffeqarfiilli arlallit, soorlu Usisaat, Stark, Arctic Import, Blue Water, Aalborg Havn Kommuneqarfik Sermersoorlu suliffeqarfimmik Nuuk Imerullu tunuata tungaani 2020-mi nutaanik illorsuaqalertussaapput.

Taamaattoqarnissaalu ukiut pingujua affarmi sulissutigineqareersoq Bilo Høegh Stigsenip oqaatigaa. 

 - Suliffeqarfiit arfiniliullutik suliniummut qinnuteqaammik tunniussipput, taakkulu inaarutaasumik kiisami akuerineqareerput, Bilo Høegh Stigsen oqarpoq.

Qinnuteqaateqartoqarmalli, tamanna containerikunut umiatsiakunullu atorneqarmat, kommuni saliisariaqalersimavoq. 

 - Suliniummut qinnuteqaatit takkummata, kommuni inuussutisssarsiutaalersussaat piviusunngoqqullugit ulapilerpoq. Tassalu kommunip contanererpassuarnik umiatsiarpassuarnillu piiaanissaa pingaarpoq,

Pilersaarut malillugu suliffeqarfiit nutaat 2020-imi naammassineqareersimassapput.