Politikki

Qeqertarsuup tunuani Uummannamilu killeqanngitsumik aalisartoqarsinnaavoq

Naalakkersuisut 24. juni 2013-imi ataatsimiinnerminni ima aalajangerput: Sinerissamut qanittumut umiatsiaararsortunut qaammatinut pingasunut qaleralittassiisarnerup aqutsiveqarfinni Qeqertarsuup Tunuani Uummannamilu atorunnaarsikkallarneqarnissaa. Taamaalilluni aqutsiveqarfimmi Qeqertarsuup Tunuani Uummannamilu umiatsiaararsorluni qaleralinniarneq ingerlaannarsinnaanngorpoq ukiumut pisassiissutinut qaffaanissamik aalajangiisoqarsinnaanerata tungaanut.

Allattoq Peter Troelsen, Simon Uldum

juunip 26-at 2013 04:00

Aalisarnermut Siunnersuisoqatigiit ilaasortaannik tassungalu attuumassutilinnik inuttalimmik suleqatigiissitaliortoqarpoq. Suleqatigiissitap misissugassaasa ilagaat sinerissap qanittuani 2013-imut qaleralittassiissutit amerlineqarnissaannik periarfissat. Suleqatigiissitap inassuteqaatini tunniutereerpagit Naalakkersuisunit isummerfigineqarumaarput.

-Kvartalimut pisassiissutigineqartut tamakkerneqalerput, kvartalimullu nutaamut pisassiissutit ataasinngorpat atuutilernissaannut aalisarnerup uninnganissaa pinngitsoortinniarlugu kvartalimut pisassiissutit utaqqiisaasumik atorunnaarsinniarlugit Naalakkersuisut aalajangersimapput. Juulip qaammataata naannginnerani qaffaanissamik aalajangiisoqarsinnaanissaa naatsorsuutigaara, taamaaliornikkut ukiup sinnerani kvartalinut marluusunut pisassiissoqassalluni, aalisarnermut naalakkersuisoqarfimmi immikkoortortaqarfimmi pisortaq Emanuel Rosing knr.gl-imut oqarpoq.

Qeqertarsuup tunuani Uummannamilu killeqanngitsumik aalisartoqarsinnaavoq

Aamma atuaruk