Qeqertarsuup Tunuani umiatsiaararsorluni qaleralinniarneq unitsinneqartoq
Tassa, Qeqertarsuup Tunuani umiatsiaararsorluni qaleralinniarneq ullumi pingasunngornermi oktobarip ulluisa aqqaneq-aappaanni unitsinneqassaasoq nalunaarutigineqarpoq, umiatsiaararsorluni qaleralittassat tamakkerneqalernerat pissutaalluni Qeqertarsuup Tunuani qaleralinniarneq unitsinneqassalluni.
Ullumi ulloq, oktobarip ulluisa aqqaneq-aappaat, aamma tassaavoq umiatsiaaqqanut ulloq tunitsiviusussaq kingulleq.
Oktobarimi qaleralittassat naatsorsoqqissaarneqareerpata qaammammut novembarimut qaleralittassat nalunaarutigineqarumaarput. Kalaallit Nunaanni Aalisarsinnaanermut Akuersissutinik Nakkutilliisoqarfik taama nalunaaruteqarpoq.