Qeqertarsuup tunuani silaannakkut angallassisoqassanngilaq

Qeqertarsuup tunuani aasaanerani imaatigut ilaasortaatinik angallassineq naammaginartutut ingerlasimammat silaannakkut qulimiguulimmik angalassisaleqqinnissaq naatsersuutigineqassanngilaq. Taamatut akissuteqarpoq Ineqarnermut Attaveqarnermuullu Naalakkersuisoq Jørgen Wæver Johansen, Atassutip inatsisartunut ilaasortaatitaata Kristian Jeremiassen-ip apeqquteqaataanut akissuteqarnermini.

Kristian Jeremiassen Qasiannguaninngaaneersuuvoq naalakkersuisullu naliliinerat paasisinnaanagu, ilaasortaatit angallatit mikisut angallissinerat allangortorujussuummat.

Kangaatsiamut Qasigiannguanut Qeqertarsuarmulluunniit angalaniaraanni unnuisarfinni sømandshjemminiluunnniit unnuisoqartariaqartarpoq, tamannalu innuttaasunut arlalinnut aningaasartuutaasarpoq tamanullu akissaqartinneqanngitsoq Kristian Jeremiassen oqarpoq.

Jørgen Wæver Johansen-ip akissutaa aallaavigalugu Kristian Jeremiassen-ip Atassummi oqaluuseritinniarpaa, komuunillu pingasut kajumissaarniarpai Ineqarnermut Attaveqarnermullu naalakkersuisoqarfimmik taamatullu ilaasunik angallassisartunik oqaloqateqaqqullugit