Qeqertarsuup Tunuani qalerallit ikiliartortut

Ataastimut isigalugu nunatta imartaani qaleraleqassuseq siuariartoq Pinngortitaleriffiup inernilerpaa, taamaammallu aqutsiveqarfinni pingasuni qaleralinniarneq qaffaavigineqassasoq Pinngortitaleriffik siunnersuivoq.

Qeqertarsuulli Tunuani qalerallit ikiliartorpasipput Pinngortitaleriffiullu pisassiissutigineqarsinnaasut appaavigineqassasut innersuussutigaat.
Qalerallit aalisartut pisarisartagaat 2000-ikkutaallartinneraniilli milliartuinnavissimiapput, ullumikkut qaleralinniarnermi pisaasartut ukiut qulit matuma siornamut sanilliullugu pisarineqartarsimasut amerlaqataannik pissarsiniarluni qaleralinnik marloriaammik amerlanerusunik pisaqartoqartariaqalernikuusoq Pinngortitaleriffik siunnersuutimini ilaatigut allaaserisaqarpoq.

Aamma atuaruk Qaleralinnut akitsuusersuinissaq akuersissutigineqarpoq

Taamaammat biologit Qeqertarsuup Tunuani 2017-imi qaleralinniarnermi 1.600 tonsinik ukioq manna pisassiissutigineqarsinnaasutut innersuussutit appariaateqarput.

Uummannalli Upernaviullu pigisaanni qaleralinniarneq aalaakkaasumik inissisimavoq, taamaammallu Uummannami qaleralinniarneq 6.500 tonsinut qaffanneqarluni Upernavimmilu, aamma 2016-imi siunnersuutigineqartutut, 6.500 tonsit allannguuteqaratik.

Aamma atuaruk Pinngortitaleriffik saarulliit pillugit siunnersuuteqarpoq

Nunatta kitaata Tunullu imartaani qaleralinniarnermut 2.300 tonsinut 2.000 tonsinullu qaffanneqassasut siunnersuutaavoq.