Qeqertarsuup Tunuani qaleralinniarneq matuneqartoq
Qeqertarsuup Tunuani sinerissap qanittuani qaleralinniarneq ullumimiit matuneqartoq Kalaallit Nunaanni Aalisarsinnaanermut Akuersissutinik Nakkutilliisoqarfik nalunaaruteqarpoq.
Qeqertarsuup Tunuani umiatsiaararsortunut qaleralittassissutit qaammatikkuutaartut nungunneqalernerannit matusineq peqquteqarpoq.
- Matusinermi aqutsiveqarfimmi Qeqertarsuup Tunuani akuersissutit 47-JK-mik naaneqartut kisimik eqqorneqassapput. Taamaattumik sapaat ulloq oktobari p 20-ani nalunaaqutaq 23.59 aamma tunitsiviussaaq ulloq kingulleq ullorlu taanna aalisaatit tamarmik qaqinneqariissapput, Kalaallit Nunaanni Aalisarsinnaanermut Akuersissutinik Nakkutilliisoqarfik taama allappoq.
Qaleralinniarsinnaaneq novembarip aallaqqaataani ammaqqinneqassaaq.00:01:17
Qeqertarsuup Tunuani sinerissap qanittuani qaleralittassiissutit 2.400 tonsinik Naalakkersuisut septembarimi amerlivaat. Taamaalilluni qaleralittassat katillugit 10.580 tonsinngorlutik. Qaleralittassat maannamut pisassiissutigineqartut affaat biologit innersuussutigaat, tassa 5.120 tonsiussasut.
AAMMA ATUARUK Naalakkersuisut qaleralittassiisutit amerlivaat