Qeqertarsuup tunuani aqagu timmisartuussineqassaaq

Timmisartuutileqatigiiffiup Air Greenlandip Qeqertarsuup tunuani immikkut ittumik aqagu timmisartuussinissani ualilluinnartoq nalunaarutigaa.
Allattoq Najaaraq Egede
januaarip 03-at 2008 16:17

Angalatitseqatigiiffik Disko Line issinnerujussuata kingunerisaanik Qeqertarsuup tunuani sikuniarnera pillugu tallimanngornermiit sapaat ilanngullugu imaatigut angalanissat tamaasa unitsillugit nalunaareersorlu, Air Greenland timmisartuussinissamik aalajangiivoq.

Air Greenlandip qulimiguulik S-61 Ilulissat, Qasigiannguit aamma Aasiaat utimullu aqqusaartorlugit aqagu tallimanngornermi timmisartuussissaaq, Ilulissanit ulloqeqqa qaangilaarpagu nalunaaqutaq marluk qeqqaniit sinersulersussamik.

GL1181 Ilulissat 1330 Qasigiannguit 1345

GL1181 Qasigiannguit 1405 Aasiaat 1425

GL1180 Aasiaat 1505 Qasigiannguit 1525

GL1180 Qasigiannguit 1545 Ilulissat 1600

Bilitsit Air Greenlandip nittartagaa airgreenland.gl aqqutigalugu pisiarineqarsinnaasut, angallassinermut immikkoortortami pisortaq Niels Chemnitz Frederiksen nalunaarpoq.

S-61-i nunaqarfinnut angallasseqqusaanngimmat periarfissanik allanik ujartuisoqartoq, Air Greenlandip ilanngullugu nalunaarutigaa.