Qeqertarsuup taarsigassarsisinnaassanersoq naliliiffigineqassaaq
Qeqertarsuup Kommuneata aningaasanik atorsinnaanera Naalakkersuisut sapaatip-akunnerata tulliani naliliiffigissagaat, Namminersorullutik Oqartussat Nunami Namminermi Pissutsinut Allaffeqarfeqarfiani fuldmægtigi Susanne Wad Hansen nalunaarpoq.
Qeqertarsuup Kommunea Namminersornerullutik Oqartussanut ataatsimoortumik tapiissutinit siumoorsinnaanermik qinnuteqaammik ullumikkut nassiussissapput, kommuneani sulisut aningaasarsisinnaaniassammata, Qeqertarsuup Kommuneani aningaasaqarnermut pisortaq Benedikte Mølgaard taama nalunaaruteqarpoq.
Qeqertarsuup Kommunea ukioq kingulleq 8,9 mio. koruuninik amigartooruteqarnermi kingorna aningaasatigut ajornartoorpoq.
Nunami Namminermi Pissutsinut Allaffeqarfiup Qeqertarsuup Kommuneata aningaasaqarnera misissuiffigalugu maanna aallartippaa.
- Maannamut suli ippinnarsinnaasunik nassaanngilagut, Susanne Wad Hansen oqarpoq.
