Tritonip qulimiguulitaa unnuakkut ingerlatsinermut sungiusarnermut atorneqarpoq.Assi: KNR

Qeqertarsuup nalaani qulimiguulimmik unnuakkut ingerlatsinermik unnuaq sungiusartoqartoq

Umiarsuup alapernaarsuutip Tritonip qulimiguuliutaa Qeqertarsuarmi unnuaq qangattartinneqarsimaneranik KNR-imut arlaleriarluni saaffiginnittoqarpoq, qulimigoorlu Qeqertarsuup heliportianut aamma missimasoq kalerriutigineqarluni.

Ujaasisoqanngitsorli, annaassiniartoqanngitsorlu, Issittumi Sakkutooqarfiup tusagassiisartuata Ida Birkemosep ilisimatitsissutigaa.

- Qulimiguulimmik ingerlatsisut unnuakkut timmisartornermik sungiusartinneqarput, nunallu immikkoortuanik ilisimasaqarnerulernissaq pillugu aamma sungiusartoqarluni, Ida Birkemose oqarpoq.

Qulimiguullip Qeqertarsuup heliportianut missimanera taassuma uppernarsarpaa, sungiusarnermulli atatillugu mittoqartoq oqaatigaa, qulimigoorlu sivitsunngitsoq ingerlaqqilluni.

- Qulimiguulimmik ingerlatsisut heliportimi sulisut immaqa kaffisoriaqatigeqqaarsimassagunaraluarpaat, coronavirusilli tuniluutilinnginnissaa pillugu ulluni makkunani taamaaliortoqarrneq ajorpoq, Ida Birkemose naggasiivoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat