Qeqertarsuup eqqaani uuliaarlertoqarsimagunanngilaq
Kangilinnguani sakkutooqarfiup nalunaarutigaa Qeqertarsuup avataata kitaani uuliaarlertoqarsimagunanngitsoq.
Allattoq Louise M. Kleemann
Sakkutooqarfik Canadamiut oqartussaasuinit ippassaq ualikkut nalunaarfigineqarput, Qeqertarsuup avannaata kitaani uuliaarluerfiusinnaasumik takusaqartoqarsimasoq.
Franskit timmisartuat “Air France”-meersoq, Qeqertarsuup avannaata kitaani imaani kajorujuttoq 30 sømilinik isorartutigisoq takusimallugu nalunaareersorlu, Air Greenlandip Dash 7-i taavani kaaviaartinneqarpoq, uuliaarluerfiusinnaajunnartumilli siumugaqanngilaq.
Imartap pineqartup nalaani pujormat, timmisartumiit uuliaarluerfiusimasutut isikkoqarsinnaasimassasoq, Kangilinnguani Sakkutooqarfiup ilimagaa.