Qeqertarsuatsiaat juullimi orpiliassaat navianartorsiortinneqartoq
Illoqarfiup orpilissanik agguaassisarnera pillugu allakkat Frederiksborg Kommunimeersut ima oqaasertaqarput:
Magistratip - eqqaaneqareersutut - ingerlatsivik peqqusimavaa 'illoqarfittut ikinngutigisanut marlunnut orpilissanik siunissami tunissuteqartarnissaq isumaliutigeqqullugu’. Frederiksberg Kommunip Qeqertarsuatsiaanut Havnefjordimullu ukiumoortumik orpilissamik tunissuteqartarnera 40.000 kr.-it miss. aningaasartuuteqarfiusarpoq. Havnefjordip tungaanit Frederiksbergimit orpilissamik pajunneqartarneq qujamasuutigineqaqaaq, orpiullu ikinneqartarnera ataatsimoorfiulluartarpoq, oqalugiartoqarluni, Frederiksbergimut qujaniartoqarluni aammalu illoqarfiup qeqqani Thorsplanimi aliikkusersuisoqartarluni. Orpilissamik pajunneqarnermut qujassutitut Frederiksberg kapisilinnik marlunnik pajunneqartarpoq, taakkulu Kommunalbestyrelsip ataatsimiinnerisa nalaanni siuleqqiutigineqartarput.
Qeqertarsuatsiaani orpilissamik ikitsineq qanoq ingerlanneqartarnersoq ingerlatsivimmik ilisimaneqanngilaq. Qeqertarsuatsiaanut atassuteqarneq annertugisassaanngilaq, taamaattumillu orpilissamik pajuttarunnaarnissaa siunnersuutigineqarpoq, Havnefjordilli pajunneqartarnera ingerlatiinnarneqassalluni.
Frederiksbergimi kommunalæbestyrelsi unnugu ataatsimiittussaavoq, tassanilu Qeqertarsuatsiaanut ukiumoortumik orpilissamik pajuttarneq aalajangiiffigineqassaaq. Immaqa uffa aalisakkanik pajukkaanni, soorlu Havnefjordermiut ukiorpassuarni taamaaliortarsimasoq, Qeqertarsuatsiaani juullimi orpiliassaq qulakkeerneqarsinnaassaruttortoq.