Qeqertarsuatsiaani kunngikkormiunik tikeraartoqannginnermi ulapputtut

Qeqertarsuatsiaat Kunngikkormiunik aatsaat tikeraarneqassapput, tamannalu marlungorpat pissaaq, Kunngissaq Frederik nulialu Mary meeraallu sisamat Kalaallit Nunaanni angalaarnerminnut atatillugu nunaqarfik tikeraarpassuk.
juulip 30-at 2014 09:30

Kunngikkormiunik tikeraartoqarnermut eqqaassutigisartagassamik Nunaqarfimmi aqutsisut qinnuteqarerput, neriuppullu marlunngorpat tikeriissasoq.

- Ilumut tikissanersoq pissanngatigaarput.

- Ujaraqqamut allagartaq ikkussassaq Nuummut aqagu (sisamanngorpat, aaqqissuisoqarfimmit) aatsaat tikissaaq, uagulli ullut qulikkaaginnarlugit angallammit tikinneqartaratta, ullormut persuarsiornartumut piareersimaqqullugu nammineq aasariaqassavarput, Qeqertarsuatsiaani kommunip allaffianeersoq Toni Broberg Lynge Radioavisimut oqarpoq.

Ujaqqami ima allassimasoqassaaq: "Kronprins Frederik nulialu Mary qitornatillu ulloq 5. august 2014 Qeqertarsuatsiaaniipput".

Kunngissakkut qulingiluanut tikissapput, nasiffimmut pisuttuarneq. Meeqqerivik Amauligaq, ungdomsklubbi mersortarfillu Amitsialak, nunaqarfik ulloqeqqata missaani qimannginnerani, pulaassavaat.