Qeqertarsuatsiaani katersuiniartoqassaaq
januaarip 07-at 2005 10:37
Asiami ajunaarnersuarmut atatillugu ikiuiniarnermi Nuup kommuneani nunaqarfiup aappaa, Qeqertarsuatsiaat aamma aningaasanik unnugu katersiniaaffiussaaq.
Katersuiniarnissami ataqatigiissaarisoq Tim Serritzlev oqarpoq maannakkumut aningaasat 3000 koruunit missaat katersiniarnermi isertinneqareersimasut.
Qeqertarsuatsiaat katersortarfiani innuttaasut akiliinertalimmik unnugu nereqatigiisinneqassapput, nerisassanillu ilaatigut tuttup quttoraanik tunniussisimapput inuit pingasut.
Pisiniarfiit suliffiillu aamma aningaasaliisimapput, eqquiniaasitsinermilu ilaatigut eqqorneqarsinnaassapput orsussat Solar-i Benziinalu.
