Qeqertarsuarmut Qasigiannguanullu angalaneq ajornannginnerulissaaq
Ilulissanut Ilulissaniillu angalaniarneq oqilisaaffiginiarlugu angalatitseqatigiiffik Disko Line A/S aasaanerani Qeqertarsuarmut Qasigiannguanullu angallassisalerniarpoq.
Allattoq Louise M. Kleemann
marsip 27-at 2008 12:50
Disko Line-p angallat sukkasuuliaq, Targa 37, atsersimasartik ”Nanoq”, ukioq pisiarisartik, atorlugu nunatsinni arlaanniit, Danmarkimiilluunniit unnueqqaarani Qeqertarsuarmut Qasigiannguanullu angallassisinnaanissaq siunniunneqarpoq. Siorna angallassinerit allanngortiterneqarmata tamanna ajornarsigaluarpoq.
Disko Linemiit nalunaarput angallat isumannaallisaanissaq eqqarsaatigalugu naliliineq ”P”-mik taaneqartartoq naapertorlugu akuerineqarsimasoq, taamaalilluni takornarianik allanilluunniit attartorneqarluni angallassissutaasinnaalluni.
